“Уран гоёл”-ын шинэ төв үүдээ нээлээ

Үндэсний хувцасны “Уран гоёл” урлангийн бүтээгдэхүүнүүдийн  загвар хийц, чанар үзэмж хэрэглэгчдийн  таашаалд үргэлж нийцдэг учраас үйлчлүүлэгч олонтой, захиалга ихтэй байдаг. Эднийх үйл ажиллагаагаа өргөжүүлж VIP захиалгын төв, өөрийн нэрийн барааны дэлгүүрээ өнөөдөр нээж байна.  Төмөр зам дахь “Ханбүргэдэй” худалдааны төвтэй айлсан үүд хаалгаа нээж буй “Уран гоёл урлан”-гийн шинэ төвөөр орж захирал Ш.Должинсүрэнтэй уулзлаа.

-Манай урлан байгуулагдаад яг 3 жил болж байна. Энэ жилийн тухайд хонхны баярт зориулсан загварууд маань эрэлт ихтэй байна. Бид хонхны баярын даашинзуудаа европ, монгол загвартай, мөн үндэсний болон европ хэв маяг хослуулсан гэсэн гурван үндсэн чиглэлээр гаргаж байгаа. Загваруудыг маань гараар урласан  зураг, чимэглэл давтагдашгүй өнгө төрхтэй, үнэ цэнэтэй болгож байна. Захиалагчтайгаа зөвлөсний үндсэн дээр  цор ганц хувь гар зургаар чимэглэнэ гэдэг яалтгүй өвөрмөц содон үйлчилгээ, хүмүүс  ч дуртай, сэтгэл ханамжтай байгаа. Бид шинэ төв нээж байгаатайгаа холбогдуулан 3 хоног хэрэглэгчдэд үнэгүй зөвлөгөө өгч, хямдралтай үнээр үйлчилж байна хэмээн тэрбээр ярилаа.
Үндэсний хувцасны урлангууд ажиллагаа ихтэй ч үнэлгээ муутай гээд бага насны хүүхдийн загварын хувцас урлахаас түвэгшээх тал бий. Тэгвэл “Уран гоёл”-ынхон энэхүү дутагдлыг арилгахаар шийдэж, хүүхдийн содон хөөрхөн загвар олныг урлажээ. “Чанараар илүүрхэж хийцээр  гайхуулна” уриатай “Уран гоёл” урлангийн шинэ төвөөр зочилбол нүд сэтгэл баясгах шинэ загварууд олон байна.
“Уран гоёл” урлантай холбогдох утас: 77004576, 88114576, 77034576