ХАНГАЙ ХОТХОНООС УБЕГ ХҮРТЭЛХ 0,6 КМ АВТО ЗАМЫГ ЭНЭ САРЫН 28-ЫГ ХҮРТЭЛ ХААНА

100 айлын 1,6 км замын өргөтгөл шинэчлэлтийн ажил үргэлжилж байна. Замын шинэчлэлтийн ажлын хүрээнд 32-ын тойргоос 100 айлын уулзвар хүртэлх авто замыг 3 хэсэгт хуваан хэсэгчлэн хааж, зам барилгын ажлыг хийж байгаа.

Өнөөдрийн байдлаар буюу энэ сарын 15- 28 хүртэл Хангай хотхоноос УБЕГ хүртэлх 0,6 км авто замыг хаахаар төлөвлөсөн байна. Харин УБЕГ-аас 100 айлын уулзвар хүртэлх 0,7 км авто замыг энэ сарын 28-ны өдрөөс ирэх сарын 15 хүртэл тус тус хааж авто замын өргөтгөл шинэчлэлийн ажлыг хийнэ.