Парисын олимпод бэлтгэх үндэсний шигшээ багт 48 дасгалжуулагч, 167 тамирчин багтжээ
info@inder.mn
Өчигдөр 08 цаг 48 минут
“Парис-2024” зуны олимп, паралимп болон “Милан-2026” өвлийн олимп, паралимпын наадмын мөчлөгт бэлтгэгдэх үндэсний шигшээ багийг бүрдүүллээ.
Үндэсний шигшээ багийн дасгалжуулагч, тамирчдын сонгон шалгаруулалтыг үе шаттайгаар зохион байгуулж, спортын 24 төрлөөр 48 дасгалжуулагч, залуучуудын 15, насанд хүрэгчдийн ангилалд 167 тамирчин нийт 234 хүний бүрэлдэхүүнтэйгээр бүрдүүлсэн байна.
Үндэсний шигшээ багийн дасгалжуулагч, тамирчны тангараг өргөх ёслол хүндэтгэлийн үйл ажиллагаа энэ сарын 22-ны 11:00 цагт Спортын төв ордны “А” танхимд болно. Үндэсний шигшээ баг бүрэн бүрэлдэхүүнээр оролцоно.
Үндэсний шигшээ багийн тамирчдыг төлөөлж
- Жүдо бөхийн ҮШБ-ийн тамирчин, ОУХМ Батхуягын Гончигсүрэн,
- Боксын ҮШБ-ийн тамирчин, ОУХМ Монхорын Намуун,
- Пара пауэрлифтингийн ҮШБ-ийн тамирчин, хөдөлмөрийн баатар, МУГТ Энхбаярын Содномпилжээ,
- Пара байт харвааны ҮШБ-ийн тамирчин, СМ Дэмбэрэлийн Сэлэнгээ
Үндэсний шигшээ багийн дасгалжуулагчдыг төлөөлж
- Боксын ҮШБ дасгалжуулагч О.Батхүү
- Байт харвааны ҮШБ-ийн дасгалжуулагч Ч.Мөнхцэцэг
- Таеквондогийн ҮШБ-ийн дасгалжуулагч Т.Лхагвадорж
- Пара жүдо бөхийн ҮШБ-ийн дасгалжуулагч Б.Нарантуяа нар төлөөлөн тангараг өргөнө.
Сэтгэгдэл (0)
ХХЗХ-ны журмын дагуу зүй зохисгүй зарим үг, хэллэгийг хязгаарласан тул ТА сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдэлийг админ устгах эрхтэй.
Сэтгэгдэл бичигдээгүй байна