ДОРНЫН ЗУРХАЙ: Үс засуулбал өлзийтэй сайн

2024-12-27, Баасан гараг / БИЛГИЙН ТООЛЛЫН: 27

Аргын тооллын: 2024-12-27, Баасан гараг

Наран ургах шингэх: 8:41-17:05.

Үс засуулбал: Үс шинээр үргээлгэх буюу засуулбал өлзийтэй сайн.

Барилдлага: Түлэхийн барилдлагатай өдөр

Билгийн тооллын 27, Сугар гараг. Хонгорцог одтой, Өвлийн дунд улаан хулгана сарын есөн улаан хөхөгчин үхэр өдөр. Дашнямтай өдөр.
Өдрийн наран мандах, жаргах цаг нь 8:41-17:05. 
Барилдлага: Түлэх
Шүтэн барилдлага: Мунхрахуй
Суудал: Шороо
Үс шинээр үргээлгэх буюу засуулбал өлзийтэй сайн. 
Тухайн өдөр тахиа, могой жилтнээ аливаа үйлийг хийхэд эерэг сайн ба бар, туулай жилтнээ сөрөг муу нөлөөтэй тул элдэв үйлд хянамгай хандаж, биеэ энхрийлүүштэй. Эл өдөр гэмтнийг шийтгэх, хишиг даллага дуудуулах, насан бүтээл хийлгэх, мал арилжих, буг дарах, газрын ам бооход сайн. Эрдэнийг гадагш өгөх, байшингийн суурь тавих, угаал үйлдэхэд муу. Өдрийн сайн цаг нь бар, туулай, могой, бич, нохой, гахай болой. Хол газар яваар одогсод
баруун зүгт мөрөө гаргавал зохистой.