Эрэн хайх багийн шерпа нар үүрээр зүүн оргилд хүрэхээр төлөвлөжээ Сураггүй болсон Монголын уулчдыг эрэн хайх ажиллагаа үргэлжилж байна.

Монголын уулчдын үндэсний холбооны дэд ерөнхийлөгч, “Эверест-2023” багийн ахлагч С.Ганхүү Непаль улсын Катманду хотод алхалтын багтай хамт очжээ.

Монголын 2 уулчин Эверест ууланд алга болсонтой холбоотой тэдний үйлчилгээ авсан “8К экспидейшн” компанитай холбогдож, эрэн хайх болон бусад ажлыг төлөвлөж байна. “8К экспидейшн”компанитай хамтарч ажиллаж байгаа гэж ойлгож болно. Багийн 3 дахь гишүүн үндсэн отогт байгаа ба биеийн байдал сайн байна.

Алга болсон 2 уулчин 3-р кемпээс дээш өгсөхдөө 2;2 хүчилтөрөгчтэй өгссөн.

Тавдугаар сарын 13-ны өглөө зүүн оргил буюу 8600 м дтд орчим оргилоос бууж явсан уулчид тэдэнтэй таарсан бөгөөд том биетэй хүн нь урдаа, туранхай нь хойноо явж байсан гэсэн мэдээлэл өгчээ.

Тавдугаар сарын 13-ны үдээс хойш өөр авиралтын баг оргилын зүг явсан боловч балкон буюу 8400 м дтд орчмоос салхинд хөөгдөн буцсан байна. Таамаглалаар манай хоёр уулчин Эверестийн оргил болон зүүн оргил хоёрын дунд киллари хананы орчим ямар нэгэн байдлаар үлдсэн гэж тооцоолж байна.

4-р кемпээс бүх уулчид, шерпа нарыг буулгаж, 3 болон 2-р кемпүүдээр байрлуулсан байна. Эрэн хайх багийн 4 шерпа мөн 3-р кемп дээр бууж ирсэн байгаа бөгөөд тэд өнөө шөнө дээш өгсөж, үүрээр зүүн оргил хүрэх төлөвлөгөөтэй байна

Эх сурвалж: Монголын уулчдын үндэсний холбоо