“Төрийн байгууллагын Хүний нөөцийн мэргэжилтнүүдэд зориулсан сургалтын хөтөлбөр боловсруулах” зөвлөх үйлчилгээний сонгон шалгаруулалтыг зарлаж байна

НЗДТГ-аас төрийн байгууллагад ажиллаж байгаа хүний нөөцийн мэргэжилтнүүдийн мэдлэг, ажил мэргэжлийн ур чадварыг дээшлүүлэхэд чиглэсэн сургалтын хөтөлбөр боловсруулах зорилгоор сургагч багш бэлтгэх зөвлөх үйлчилгээний сонгон шалгаруулалтыг зарлаж байна.

Хугацаа: 3 сар

Эхлэх хугацаа: 2025.04.15

Дуусах хугацаа: 2025.07.14

ҮНДЭСЛЭЛ

НЗДТГ нь нийслэлийн нутгийн захиргааны байгууллагуудтай хамтын ажиллагаагаа уялдуулах, төрийн албан хаагчдыг сургаж, хөгжүүлэх, тэдний хариуцлагыг дээшлүүлэх, төрийн үйлчилгээнд шинэ соёл стандартыг нэвтрүүлэх, хүн төвтэй төрийн үйлчилгээг өргөжүүлэхээр үйл ажиллагаагаа чиглүүлэн ажиллаж байна. 

Энэ хүрээнд дараах хэрэгцээ шаардлага үүссэн юм. Тодруулбал, 

• Төрийн албаны тухай хууль, Төрийн албан хаагчийн ёс зүйн тухай хууль, Хөдөлмөрийн тухай хуулийн хэрэгжилтийг хангах; 
• Хүний нөөцийн удирдлага, хүний нөөцийн хөгжлийн бодлогын орчин үеийн чиг хандлагыг ажлын арга барилдаа нэвтрүүлэх; 
• Албан хаагчдын сурч хөгжих нөхцөлийг бүрдүүлэх;
• Хүний нөөцийн мэргэжилтнүүдийн тулгамдаж буй асуудлыг тодорхойлох, шийдвэрлэх арга замыг эрэлхийлэх; 
• Хүний нөөцийн мэргэжилтнүүдийн мэдлэг ур чадварыг нэмэгдүүлэх сургалтын хөтөлбөр боловсруулж төрийн байгууллагын хүний нөөцийн мэргэжилтэн албан хаагчдаа сургалтад хамруулах хэрэгцээ шаардлага үүссэн.

АЖЛЫН ДААЛГАВАР

Иймд уг сонгон шалгаруулалтын хүрээнд төрийн байгууллагын хүний нөөцийн мэргэжилтнүүдэд зориулсан 16 цагийн сургалтын хөтөлбөр боловсруулах юм.

• Сургалтын хөтөлбөр боловсруулахдаа НЗДТГ-ын Хүний нөөцийн хөгжлийн төвийн “Сургалтын агуулга, хөтөлбөр боловсруулах журам”-ыг баримтлах;
• Сургалтын хэрэгцээг тодорхойлох анхан шатны хэлэлцүүлэг зохион байгуулж агуулгын хүрээг гаргах;
• Гаргасан агуулгын хүрээний дагуу сургалтын хөтөлбөр боловсруулах; 
• Агуулга баталгаажуулах хэлэлцүүлэг зохион байгуулах, хэлэлцүүлгээр гаргасан саналын дагуу сайжруулах;
• Сургалтын хөтөлбөр, сургалтын ппт материал, мэдлэг шалгах сорил боловсруулж эцсийн бүтээгдэхүүн хүлээлгэн өгөх;
• Сургагч багш бэлтгэх сургалтыг удирдан зохион байгуулах;
• Туршилт сургалтад мэргэжил арга зүйн зөвлөгөө өгөх;

ТАВИГДАХ ШААРДЛАГА БОЛОН АЖЛЫН ТУРШЛАГА

Зөвлөхөд тавигдах шаардлага

• Сургалтын хөтөлбөр боловсруулж байсан ажлын туршлагатай байх
• Хүний нөөцийн менежментийн чиглэлээр мэргэшсэн хүний нөөцтэй байх
• Насанд хүрэгчдийн сургалтын хөтөлбөр, сургалтын дизайн боловсруулах, сургалтын арга зүй, аргачлалын талаар ахисан түвшний мэдлэгтэй байх

ТӨЛБӨРИЙН НӨХЦӨЛ

Ажлын хөлсийг ажлын даалгаврын гүйцэтгэлээр хэсэгчлэн төлнө. Төлбөрийг Монгол төгрөгөөр олгох бөгөөд ажлын хөлсөнд холбогдох бүх зардал, татвар зэрэг багтсан байна.

САНАЛ ИРҮҮЛЭХ

Зөвлөх үйлчилгээний шалгаруулалтад ирүүлэх материал нь танилцуулга, ажлын нарийвчилсан төлөвлөгөө ба үнийн саналаас бүрдэнэ. Үүнд:

1. Улсын бүртгэлийн гэрчилгээний хуулбар,
2. Энэхүү зөвлөх үйлчилгээний цар хүрээтэй ижил төстэй ажил гүйцэтгэсэн талаарх дэлгэрэнгүй мэдээлэл, танилцуулга,
3. Багийн гишүүдийн намтар (боловсрол, мэргэжил, ажлын туршлагын мэдээлэл, мэргэжлийн диплом, сертификатын хуулбар),
4. Энэхүү зөвлөх үйлчилгээг хийж гүйцэтгэх арга зүй, аргачлал болон багийн гишүүдийн гүйцэтгэх үүргийг тусгасан ажлын нарийвчилсан төлөвлөгөө,
5. Үнийн санал.

Сонирхсон хуулийн этгээд материалаа дөрөвдүгээр сарын 8-ны өдрийн 10:00 цагаас өмнө дор дурдсан хаягаар ирүүлнэ үү.

Материал хүлээн авах хаяг:

• Цахим хаяг: ariunaa.b@hrdc.ulaanbaatar.edu.mn
• НЗДТГ-ын Хүний нөөцийн хөгжлийн төв, Нийслэлийн Засаг захиргааны 5-р байр, 207 тоот Б.Ариунаа
• Утас: 70119900, 99132786

Шинэ мэдээ