“ТУРШИЛТЫН ХӨТӨЛБӨР”-ИЙН АЖЛЫН ХЭСГИЙН УУЛЗАЛТ БОЛЛОО
Гэр бүл хөдөлмөр нийгмийн хамгааллын яам, Азийн хөгжлийн банк, Монголын улаан загалмайн нийгэмлэг хамтран “Цар тахлын үед хариу арга хэмжээ авах нийгмийн хамгааллын төсөл 2”-ын хүрээнд хэрэгжүүлж буй “Төгсөлтийн аргачлалын туршилтын хөтөлбөр”-ийн ажлын хэсгийн уулзалт боллоо.
Уулзалтад Гэр бүл, Хөдөлмөр нийгмийн хамгааллын яамны төлөөлөл, төслийг хэрэгжүүлэн ажиллаж буй Чингэлтэй дүүргийн ажлын хэсгийн төлөөлөл, дүүргийн Улаан загалмайн хороо оролцлоо.
Чингэлтэй дүүргээс уг хөтөлбөрт 207 өрх хамрагдаж байгаа бөгөөд төсөлд идэвхтэй хамрагдаж өрхийн бизнесээ эхлүүлж, төслийн үр шимээ хүртээд байна. Төслийг гурван жилийн хугацаанд хэрэгжүүлж энэ оны 06 дугаар сард дуусгавар болж байна.
Хурлын үеэр төслийн төгсөлтөд бэлтгэх, өрхийн бүтээгдэхүүн хөгжүүлэлт, брэнд бүтээгдэхүүн бий болгох, өрхөө төгсөлтөд бэлтгэх, хүлээлгэн өгөх төлөвлөгөөгөө батлуулж хэрэгжүүлэх, цаашид төслийн тогтвортой байдлыг хангах, эргэх холбоотой ажиллах талаар харилцан санал солилцов.
Сэтгэгдэл (0)
ХХЗХ-ны журмын дагуу зүй зохисгүй зарим үг, хэллэгийг хязгаарласан тул ТА сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдэлийг админ устгах эрхтэй.
Сэтгэгдэл бичигдээгүй байна