Видео: "ХАНЬДАА БИ ХАЙРТАЙ"

Зөрүүд хорвоог зөөллөж зөндөө удаан ханьслаа
Зөөлөн анир дэвсэж зүүдэндээ хүртэл нэгдлээ
Зөв буруугийн жимээр зүсээ ижилсүүж алхлаа
Зөн совингоо таалцаж зөвхөн хоеулаа л амьдарлаа
Хань минь чи яасан их түшиг вэ
Намрын шувуудын жимээр насаа зөөж хосоллоо
Нандин сайхан үрсээ орчлонд хөтөлж уяслаа
Найман зүгийн салхинаас биесээ нөмөрлөн ижилдлээ
Нар зулсан талдаа айлын дайтай төвхөнөлөө
Хань минь чи яасан их түшиг вэ.
Гомдол баяраа хуваалцан голоо дэвтээж амьдарлаа
Голын довонд бүдэрсэн ч биесээ үүрч тэмцлээ
Гое чамин эдлэлгүй ч үнэнч хайраар гангарлаа
Голж болохгүй жаргалыг тэнцүү хувааж дэлгэрлээ
Хань минь чи яасан их түшиг вэ.
Өвгөдөөс өвлөсөн голомтоо өнөр болгож өсгөлөө
Өнө мөнхийг хайж үдшээр хамт залбирлаа
Үеийн үед санах гэж нэгэн зүрхэнд уусчихлаа
Үүрд хамт орших гэж нэгдмэл сүнстэй болчихлоо.
Хань минь чи яасан их хайр вэ.

Олон улсын эмэгтэйчүүдийн эрхийг хамгаалах өдрийн мэнд хүргээд Хайртай эхнэрдээ ХАЙРТАЙ гэдгээ заавал хэлээрэй