Өсвөрийн бөхчүүдийн барилдаанд Тува улсын баг яллаа

Монголын үндэсний бөхийн холбооны хамтын ажиллагааны хүрээд ОХУ-ын Тува улсын өсвөрийн шилдэг бөхчүүд Монгол улсын өсвөр бөхчүүдтэй барилдлаа.

Хоёр улсын өсвөрийн бөхчүүдийн багийн барилдаанд Тува улсын баг 33:16-ын харьцаатай ялалт байгууллаа.

 
Тува улсын багт залуу бөх Донгак Сүлде /7/, Намчаа Сүгдер /5/, Ондар Алдаржы /5/, Салчак Кудерек /1/, Монгуш Алаш /3/, Ооржак Айрат /4/, Самбый-оол Айслан /1/, Монгуш Гендун /3/, Эрес-оол Солаан-Байыр /4/, нар нийт /33/ даваа авч ялсан бол Монгол улсын багт сумын заан Э.Бат-Өлзий ГА /6/, сумын начин Тө /1/, сумын начин Б.Бумбацогт БХ /3/, залуу бөх Г.Үнэнхүү БНД /0/, Т.Мөнгөн-Эрдэнэ Ду /5/, Б.Хадбаатар Ар /1/, Ж.Бат-Эрдэнэ /0/, Д.Төрболд /0/, Б.Эрболд /0/ нар нийт 16 даваа авсан юм.

 
Тува улсын багийн дасгалжуулагчаар Донгак Кайгал-оол, Баткар Анатолий, Монгол улсын багийн дасгалжуулагчаар Б.Батхуяг нар ажиллажээ.

 
Хоёр багийн хүүхдүүд нийт долоон тойрог барилдсан бөгөөд Тува улсын залуу бөх Донгак Сүлде 7 тойрог барилдаж 7 давсан амжилтаар бусдыгаа манлайлсан бол Монгол улсын багаас сумын заан Э.Бат-Өлзий 7 барилдаж 6 давсан амжилтаар удаалав.

 
Барилдаанд амжилт гаргасан Тува улсын өсвөр бөхчүүдийг Монгол улсад Их, дээд сургуулиудад элсэн суралцахад МҮБХ-оос дэмжин ажиллана.

 
Тус барилдааныг А.Очирхуяг захиралтай “Гранд говь теч” ХХК болон МҮБХ-ны Тэргүүлэгч гишүүн Багануур дүүргийн ҮБХ-ны тэргүүн Ж.Мөнгөнбаяр захиралтай “Повер инжен” ХХК-иуд ивээн тэтгэж оролцлоо.

Хөрш улсаас зорин ирж барилдсан өсвөрийн бөхчүүд болон дасгалжуулагч нарт, Монголынхоо баг хамт олонд, ивээн тэтгэж оролцсон “Гранд говь теч” ХХК, “Повер инжен” ХХК-ий хамт олонд гүн талархал илэрхийлье.

 
МОНГОЛЫН ҮНДЭСНИЙ БӨХИЙН ХОЛБОО