Орос цэргийн хүчээ эрс багасгахаа мэдэгдэв

Орос, Украины төлөөлөгчид Истанбулд хийсэн хэлэлцээгээ дуусгаж, Москва Украины нийслэл Киев болон хойд нутгийн Чернигов хотын ойролцоох цэргийн үйл ажиллагааг үндсээр нь бууруулахад бэлэн гэдгээ мэдэгдэв.

Тус улсын Батлан хамгаалахын дэд сайд Александр Фомин хэлэхдээ "Хэд хэдэн удаагийн хэлэлцээ бүтэлгүйтсэний дараа Мягмар гаригт дахин уулзлаа. Энэ удаад нүүр тулан уулзсан тул хэлэлцээ тулааныг зогсоох, итгэлцэл нэмэх зорилготойгоор өрнөсөн" гэв. Фомин мөн "Киев, Черниговын чиглэлд цэргийн үйл ажиллагаагаа үндсээр нь бууруулахаар шийдсэн" гэж онцоллоо.

Харин Украины тал хэлэлцээнд олон улсын аюулгүй байдлын батлан даалтыг хүсэв. Тус батлан даалт хэрэгжиж эхэлбэл төвийг сахисан статусыг зөвшөөрөхөд бэлэн гэж мэдэгджээ.

Украины төлөөлөгч Дэвид Арахамиа сэтгүүлчдэд хэлэхдээ "Бид НАТО-гийн 5-р заалттай ижил хатуу ажиллах аюулгүй байдлын баталгаат олон улсын механизмыг хүсч байна" гэж мэдэгдсэн байна. Тэрбээр мөн Украин, Оросын ерөнхийлөгч нар уулзах боломжтойг онцлов. Харин Оростой эцсийн тохиролцоо хийхээс өмнө Украин даяар бүрэн энх тайван байдал бий болгох хэрэгтэй гэжээ.

Эх сурвалж: AL JAZEERA