ДОРНЫН ЗУРХАЙ: Үс засуулбал өвчин ирэх тул тохиромжгүй

2024-11-21, Пүрэв гараг / БИЛГИЙН ТООЛЛЫН: 21

Аргын тооллын: 2024-11-21, Пүрэв гараг

Наран ургах шингэх: 8:07-17:09

Үс засуулбал: Үс шинээр үргээлгэх буюу засуулахад өвчин ирэх тул тохиромжгүй.

Барилдлага: Хүчин төгсөхийн барилдлагатай өдөр

Билгийн тооллын 21, Бархасбадь гараг. Өвлийн тэргүүн хөхөгчин гахай сарын есөн улаан найралт эх одтой, шарагчин үхэр өдөр
Барилдлага: хүчин төгсөх
Шүтэн барилдлага: хүрэлцэхүй
Суудал: уул
Өдрийн наран мандах, жаргах цаг нь 8:07-17:09. 
Өдрийн сайн цаг нь бар(03.40-05.40), туулай(05.40-07.40), могой(09.40-11.40), бич(15.40-17.40), нохой(19.40-21.40), гахай(21.40-23.40) болой
Хол газар яваар одогсод баруун хойш мөрөө гаргавал зохистой. 
Үс шинээр үргээлгэх буюу засуулахад өвчин ирнэ тул тохиромжгүй.
Тухайн өдөр тахиа, могой жилтнээ аливаа үйлийг хийхэд эерэг сайн ба үхэр, луу, хонь, нохой жилтнээ сөрөг муу нөлөөтэй тул элдэв үйлд хянамгай хандаж, биеэ энхрийлүүштэй. Эл өдөр буян номын үйлийг эхлэх, дээдсээс халамж хүсэх, лам хувраг болох, багш шавьд барилдах, номын абшиг авах, шинэ гэр ба байр авах, хишиг даллага
дуудуулах, насан бүтээл хийлгэх, мал арилжих, гэр бүрэхэд сайн. Эрдэнийг гадагш өгөхөд муу.