ДОРНЫН ЗУРХАЙ: Үс засуулахад хэрүүл тэмцэл ирнэ

2024-11-28, Пүрэв гараг / БИЛГИЙН ТООЛЛЫН: 28

Аргын тооллын: 2024-11-28, Пүрэв гараг

Наран ургах шингэх: 8:17-17:03

Үс засуулбал: Үс шинээр үргээлгэх буюу засуулахад хэрүүл тэмцэл ирнэ тул тохиромжгүй.

Барилдлага: Хотол чуулганы барилдлагатай өдөр

Билгийн тооллын 28, Бархасбадь гараг. Өвлийн тэргүүн гахай сарын хоёр хар салхины эх одтой, улаан бич өдөр. 
Барилдлага: хотол чуулган
Шүтэн барилдлага: авахуй
Суудал: ус
Өдрийн наран мандах, жаргах цаг нь 8:17-17:03. 
Өдрийн сайн цаг нь хулгана(23.40-01.40), үхэр(01.40-03.40), луу(07.40-09.40), могой(09.40-11.40), хонь(13.40-15.40), нохой(19.40-21.40) болой. 
Хол газар яваар одогсод зүүн зүгт мөрөө гаргавал зохистой. 
Үс шинээр үргээлгэх буюу засуулахад хэрүүл тэмцэл ирнэ тул тохиромжгүй.
Тухайн өдөр хулгана жилтнээ аливаа үйлийг хийхэд эерэг сайн ба үхэр, луу, хонь, нохой жилтнээ сөрөг муу нөлөөтэй тул элдэв үйлд хянамгай хандаж, биеэ энхрийлүүштэй. Эл өдөр найз нөхдийг түшиж элдэв үйлийг түргэн бүтээх, бүтээл туурвил эхлэх, бизнэс эхлэх, цар ихтэй үйлийг эхлэх, бясалгал хийх, доодсыг асран өглөг, хандив өргөх, хараал,
жатхыг буцаах, бүжиг наадам хийх, цэцэрлэг байгуулах, хур оруулах, дархны үйлд сайн. Хувцас эсгэх, шинэ хувцас өмсөх, зөвлөгөө хийхэд муу.