2022-2023 оны хичээлийн жилд цэцэрлэгт хамрагдах хүүхдүүдийн бүртгэл энэ сарын 10-нд эхэлсэн. Өнөөдөр /2022.08.16/ 08:00 цагийн байдлаар нийслэлд цэцэрлэгийн насны нийт 80,886 хүүхдийн бүртгүүлжээ.
- Багануур дүүрэг 1094,
- Багахангай дүүрэг 175,
- Баянгол дүүрэг 12667,
- Баянзүрх дүүрэг 21935,
- Налайх дүүрэг 1921,
- Сонгинохайрхан дүүрэг 16613,
- Сүхбаатар дүүрэг 7145,
- Хан Уул дүүрэг 13054,
- Чингэлтэй дүүрэг 6282 хүүхэд E-Mongolia системээр хүсэлтээ илгээсэн байна. Цахим бүртгэл ямар ч ачаалалгүй, хэвийн ажиллаж байна.
- ЭЦЭГ ЭХЧҮҮДИЙН АСУУЖ БУЙ НИЙТЛЭГ 8 АСУУЛТЫГ ОРУУЛЛАА
E-Mongolia аппликэйшн ашиглах боломжгүй бол хэрхэн бүртгүүлэх вэ?
- - Та өөрт ойр байрлах төрийн өмчийн цэцэрлэг дээр очиж, дэмжих багийн тусламжтайгаар хүсэлтээ илгээлгэх боломжтой. (Хүүхдийн болон асран хамгаалагчийн бичиг баримт шаардлагатай)
- Хүүхдийн итгэмжлэгдсэн төлөөлөгч энэхүү үйлчилгээг авах шаардлагатай бол хаана хандах вэ?
- Хэрвээ хүүхдийн асран хамгаалагч /Өвөө, эмээ, ах, эгч гэх мэт/ тухайн үйлчилгээг авах шаардлагатай тохиолдолд өөрийн болон хүүхдийн бичиг баримтыг бүрдүүлэн өөрт ойр байрлах төрийн өмчийн цэцэрлэг дээр очиж дэмжих багийн тусламжтайгаар хүсэлтээ илгээлгэх боломжтой.
- Өнгөрсөн жил цэцэрлэгт явж байсан хүүхдийг дахин бүртгүүлэх үү?
- Та e-mongolia.mn системийн “Нийслэлийн цэцэрлэгт хамрагдах хүсэлт” үйлчилгээгээр “Одоо суралцаж байгаа цэцэрлэгт үргэлжлүүлэн хамруулна” гэсэн сонголтыг хийж хүсэлтээ илгээснээр таны хүүхэд одоогийн сурч буй цэцэрлэгт үргэлжлүүлэн суралцах боломжтой.
- Өмнөх жилүүдэд хяналтын тоонд багтаагүй хүүхдийг бүртгүүлж болох уу?
- Та e-mongolia.mn системийн “Нийслэлийн цэцэрлэгт хамрагдах хүсэлт” үйлчилгээгээр цэцэрлэгт хамруулах хүсэлтээ илгээж болно.
- Одоо хувийн цэцэрлэгт байгаа хүүхдийг улсын цэцэрлэг рүү шилжүүлж болох уу?
- Та e-mongolia.mn системийн “Нийслэлийн цэцэрлэгт хамрагдах хүсэлт” үйлчилгээнд “Одоо суралцаж байгаа цэцэрлэгт үргэлжлүүлэн хамруулахгүй” гэсэн сонголтыг хийж хүсэлтээ илгээснээр таны хүүхдэд боломжит сургуулийн өмнөх боловсролын үйлчилгээг үе шаттай санал болгохыг анхаарна уу.
- Орон нутгийн хаягтай болон түр оршин суугч иргэд хүүхдээ хэрхэн цэцэрлэгт хамруулах вэ?
- Нийслэлийн цэцэрлэгт хүүхдээ хамруулах хүсэлтийг цахимаар илгээхийн тулд Та оршин суугаа хорооны улсын бүртгэлийн ажилтанд хандаж 2022 оны 08 дугаар сарын 24-ний 17:00 цагаас өмнө хаягийн шилжилт хөдөлгөөнөө хийсэн байх шаардлагатай.
- Хувийн цэцэрлэгт өгөх гэж байгаа бол хаягаа шилжүүлэх шаардлагатай юу?
- Шаардлагагүй.
- Хүүхдээ ямар цэцэрлэгт хуваарилагдсанаа хэрхэн мэдэх вэ?
- 2022.08.26-наас хойш бүртгэлтэй утасны дугаар мессежээр мэдээлнэ.
эх сурвалж: Боловсролын ерөнхий газар
Сэтгэгдэл бичигдээгүй байна